വിളക്കുടി
ഗ്രാമ പഞ്ചായത്ത്

    കൊല്ലം ജില്ലയില്‍ പത്തനാപുരം ബ്ളോക്കില്‍പ്പെടുന്ന ഒരു ഗ്രാമപഞ്ചായത്താണ് വിളക്കുടി. പഞ്ചായത്തിന്റെ ആകെ വിസ്തൃതി 2143 ഹെക്ടര്‍ ആണ്. കൊല്ലം ടൌണില്‍ നിന്നും ഏകദേശം 34 കി.മി കിഴക്കുമാറി വിളക്കുടി ഗ്രാമപഞ്ചായത്ത് സ്ഥിതി ചെയ്യുന്നു.  പഞ്ചായത്തിന്റെ വടക്ക് തലവൂര്‍ , പിറവന്തൂര്‍ എന്നീ പഞ്ചായത്തുകളും, കിഴക്ക് പുനലൂര്‍ മുനിസിപ്പാലിറ്റിയും തെക്ക് കരവാളൂര്‍ , വെട്ടിക്കവല, മേലില എന്നീ പഞ്ചായത്തുകളും പടിഞ്ഞാറ് തലവൂര്‍ പഞ്ചായത്തുമാണ് വിളക്കുടിയുമായി അതിര്‍ത്തി പങ്കു വയ്ക്കുന്നത്. കല്ലടയാറിന്റെ ചെറിയൊരുഭാഗം (2.25 കി.മി) പഞ്ചായത്തിന്റെ കിഴക്കുഭാഗത്തു കൂടി ഒഴുകുന്നു. സമുദ്ര നിരപ്പില്‍ നിന്നുള്ള ഉയരത്തെ അടിസ്ഥാനമാക്കി പഞ്ചായത്തിനെ ഇടനാട്ടിലാണ് പെടുത്തിയിരിക്കുന്നത്. ഭൂപ്രകൃതി അനുസരിച്ച് വിളക്കുടി പഞ്ചായത്തിനെ ഉയര്‍ന്ന സമതലം, കുത്തനെ ചെരിവ്, ഇടത്തരം ചെരിവ്, താഴ്വര എന്നിങ്ങനെ പ്രധാനമായും നാലു ഭൂരുപങ്ങളായി തിരിക്കാം. പഞ്ചായത്തിലെ ഉയര്‍ന്ന സമതലങ്ങള്‍ ഭൂരിഭാഗവും 100 മീറ്ററോ അതിനു മുകളിലോ സ്ഥിതി ചെയ്യുന്നു. ചില ഭാഗങ്ങള്‍ 80...